«Алматы жастары» - жас мамандар үшін ең сұранысқа ие жеңілдетілген тұрғын үй несиелеу бағдарламаларының бірі. Жеңілдік мөлшерлемесі жылдық 5% және бастапқы жарна-10%-ды құрайды. Бағдарламаны пайдаланғандардың қатарында Жамбыл облысы Құлан ауылының тумасы, 30 жастағы инженер-технолог Жадыра Қайсарбаева да бар.

Алматы қаласының Экология және қоршаған орта басқармасы жыл сайынғы «Жасыл аула» акциясы аясында көгалдандыру және жасыл қорды сақтау бағдарламасын жалғастырып келеді.

Алматы қаласының Жетісу ауданында «Барахолка» бойындағы стихиялық сауданы жою бойынша ауқымды жұмыс жалғасуда. Науқан Алматы әкімі Ерболат Досаевтың тапсырмасы бойынша «Таза Қазақстан» жалпы республикалық бағдарламасы және «Алматы – біздің ортақ үйіміз» қалалық бастамасы аясында жүзеге асырылуда. 

2025 жылдың 20 сәуірінен бастап Алматыда жасыл желектерді биологиялық өңдеу маусымы басталады. Іс-шаралар ағаштардың жағдайын жақсарту, олардың зиянкестерге төзімділігін арттыру және қалада экологиялық тепе-теңдікті сақтау мақсатында өткізіледі.

2025 жылдың 20 сәуірінде Алматыда Almaty Half Marathon жартылай марафоны өтеді. Биыл бұл жарысқа әлемнің 40-тан астам елінен 10 мың адам қатысады. Бұл қалада өтетін сегізінші жартылай марафон.

Биыл Қазақстан халқы Ассамблеясының құрылғанына 30 жыл толып отыр — бұл қоғамдық институт Мемлекет басшысының Жарлығымен құрылған. Дәл осы Алматыда Ассамблеяны құру туралы шешім қабылданып, қазақстандық ұлтаралық келісім үлгісінің негізгі қағидаттары қалыптастырылды.

Алматыда WorldSkills Almaty-2025 чемпионатының жеңімпаздарын салтанатты түрде марапаттау рәсімі өтті. 30 негізгі құзыреттілік бойынша үздік нәтиже көрсеткен қатысушылар марапатқа ие болды. Жүлде қоры шамамен 10 миллион теңге: әр номинация бойынша бірінші орынға — 150 000 теңге, екінші орынға — 100 000 теңге, үшінші орынға — 50 000 теңге табысталды.

Алматы метрополитенінде қалалық қоғамдық көлік қызметінің сапасын арттыру мақсатында 16 сәуірден бастап пилоттық режимде жолақы төлеудің жаңа тәсілі енгізіледі. Бұл баламалы төлем тәсілі жолаушыларға интернет желісіне қосылмай-ақ QR-код арқылы жолақы төлеуге мүмкіндік береді.
Аталған шешім жерасты инфрақұрылымының ерекшеліктерін ескере отырып әзірленіп, метрополитенді пайдалану ыңғайлылығын арттыруға бағытталған.

Жаңа тәсіл бойынша жолақыны төлеу үшін:
1. ONAY! қолданбасын телефонда ашыңыз.
2. Негізгі беттің  төменгі жағында QR түйменібасыңыз.
3. «QR кодты жасау» таңдаңыз-ол байланысболмаған кезде де жасалады.
4. QR кодты турникеттегі камераға көрсетіңіз.
5. Жүйе балансты тексереді, турникет ашылады.

 Бұл - жолаушыға динамикалық түрде жасалған QR код арқылы сапарды тіркеуге мүмкіндік беретін технология, мобильді қолданба үшін интернетке кіру қажет емес, қолданба офлайн режимде кодты шығарады. Басқаша айтқанда, егер әдеттегі нұсқада статикалық терминал QR шығарып, пайдаланушы оны мобильді қосымшаның көмегімен оқытса - бұл технология бойынша QR тікелей қосымшада жасалады және жолаушы оны арнайы камерамен сканерлеп турникетке қол жеткізе алады.
Алматы метросы көлік саласының ажырамасбөлігі болып табылады, күн сайын метро 100 мыңнанастам жолаушыны тасымалдайды, оның 65% - дан астамы ONAY! Бірыңғай көліктік және жеңілдігі бар карталарымен жол ақысын төлейді.
Естеріңізге сала кетейік, метрополитенде жолақысын бірнеше тәсілмен төлеуге болады: жетонмен, банк картасының көмегімен, метроның жол жүру ақысын толықтыратын смарт-картасымен немесе ONAY! көлік картасының көмегімен. Барлық төлем әдістері әдеттегідей қолжетімді болады және QR-мен бірге жұмыс істейді.
Сонымен қатар, жолаушыларға ыңғайлы болуы үшін барлық метро станциялары қосымша жабдықтармен қамтамасыз етілетін болады.

Бұған дейін спорттық қауымдастықта жеке меншік басқаруындағы ірі мұз айдынына шектеулі қолжетімділігіне қатысты мәселе көтерілген болатын. Атап айтқанда, БАҚ-та мәнерлеп сырғанаушы Михаил Шайдоров Алматыда мәнерлеп сырғанаудан еліміздің үздік спортшыларын даярлау үшін тиісті жағдайдың жоқтығы туралы айтылған материалдар шықты.

Михаил Шайдоров – жеке сырғанауда өнер көрсететін мәнерлеп сырғанаушы. Бостонда өткен әлем чемпионатында ол күміс медальға ие болды. Алматы әкімінің орынбасары Бейбіт Шаханов спортшыны құттықтап, бұл жетістіктің табандылық пен мақсаткерліктің жарқын үлгісі екенін атап өтті.

Кездесу барысында Бейбіт Шаханов Алматы әкімдігінің атынан Михаил Шайдоровқа 2,5 миллион теңге көлемінде қаржылай сертификат табыстап, оның отандық спортты дамытуға және қаланы халықаралық деңгейде танытуға қосқан зор үлесін ерекше айтты.

«Сіз қазақстандық мәнерлеп сырғанаудың абыройын арттырып қана қоймай, жүздеген жас спортшыны өзіне сенуге және алға ұмтылуға шабыт бердіңіз. Ерекше алғысты жаттықтырушыңыз Әсем Робертқызы Қасановаға айтқым келеді. Ол өз ісіне деген жоғары кәсібилігімен, даналығы және шынайы адалдығымен ерекшеленеді. Қазақстан Республикасының мәнерлеп сырғанау бойынша бас бапкері ретінде ол спорттың дамуына және мұз айдынында жаңа жұлдыздардың қалыптасуына үлкен үлес қосты», – деді Бейбіт Шаханов.

Өз кезегінде Михаил Шайдоров қолдау көрсеткені үшін әкімдікке алғыс білдірді.

«Мен қала әкімдігіне, алматылықтарға қолдау көрсеткені үшін өте ризамын. Бұл мені шабыттандырып, әрі қарай жетістікке жетуге күш береді. Бұл менің ғана емес, бүкіл елдің жеңісі, маған сеніп, осы жолда көмектескен көпшіліктің еңбегінің нәтижесі», – деді Михаил Шайдоров.