Тіліңізді таңдаңыз
Біз туралы
2017 жылғы қыркүйекте Алматы қаласы әкімінің тапсырмасы бойынша «Алматы қаласын дамыту орталығы» акционерлік қоғамы Алматы қаласы әкімдігінің «Open Almaty» қоғамдық қабылдау бөлмесін ашты, онда қала тұрғындарының өтініштері, шағымдары мен ұсыныстары электронды түрде немесе өзі келгенде қабылданады.
Міндеттер
• Кедергісіз орта құру, мемлекеттік органдардың халыққа есеп беруін қалыптастыру, қала тыныс-тіршілігінің барлық салаларына қатысты мәселелерді шешу;
• Кері байланысты тұрақты талдау, сапасын жақсарту және проактивті әрекет етуді енгізу.
Өтініштерді қабылдау 5 байланыс арнасы арқылы жүзеге асырылады: портал, фронт-офис, 1308 байланыс орталығы, мобильді қосымша және әлеуметтік желілердегі аккаунттар (Instagram, Facebook, Twitter).
open-almaty.kz порталы – өтініш беру, өмірлік жағдайларды шешуге арналған нұсқаулықтарды қарау, қызмет көрсетудің барлық салаларында жиі қойылатын сұрақтарға жауап алуға мүмкіндік беретін веб-портал.
Фронт-офис оpen space форматында жұмыс істейді. Онда Open Almaty-ның консультанттары кеңес беріп, қызмет көрсетеді.
Сall-орталық анықтамалық ақпарат беру қызметін көрсетеді, өмірлік жағдайлар бойынша консультация береді, телефон арқылы тұрғындардың, өтініштерін қабылдап, тіркейді..
Әлеуметтік желілер тұрғындарға фото және бейнематериалдарды тіркей отырып, хабарламалар мен өтініштер жіберуге мүмкіндік береді.
Open Almaty мобильді қосымшасы – өтініштерді қабылдау мен өңдеуге, сондай-ақ пайдаланушылар үшін қажетті ақпаратты алуға мүмкіндік беретін әртүрлі мобильді платформаларға арналған бағдарламалық жасақтама.
