Алматылық спортшы Тамирлан Тілеулес жазғы Азия ойындарында алтын медаль жеңіп алған алғашқы қазақстандық таеквондошы атанды. Ол Жапонияның Айти префектурасы мен Нагоя қаласында өтіп жатқан XX жазғы Азия ойындарында тарихи нәтижеге қол жеткізді. Бұл туралы Алматы қаласы Спорт басқармасының өкілдері айтты.

Алматылық спортшы Дамир Тоқтаров Жапонияның Айти мен Нагоя қаласында өтіп жатқан XX жазғы Азия ойындарында қола жүлдеге ие болды. Бұл Қазақстанның Азия ойындарындағы спорттық құзға өрмелеуден жеңіп алған алғашқы медалі. Бұл туралы Алматы қаласы Спорт басқармасының өкілдері айтты.

Алматы әкімі Дархан Сатыбалды көшелерді көркейту және қоғамдық кеңістіктерді дамыту жобаларының жүзеге асырылу барысы бойынша кеңес өткізді. Жиында жұмыстарды ұйымдастыру, белгіленген мерзімді сақтау, қауіпсіздік талаптары мен жобалардың сапалы орындалуына баса назар аударылды.

Алматының Түрксіб ауданында әлеуметтік инфрақұрылым кеңейіп келеді: жаңа мектеп пен балабақша ашылып, медициналық мекемелер, спорттық және шығармашылық орталықтар салынып жатыр. Жүзеге асып жатқан және жоспарланған жобалар туралы аудан әкімі Дамир Әкежанов Алматы қаласы Өңірлік коммуникациялар қызметінің баспасөз мәслихатында айтып берді.

Бүгін 28 гвардияшы-панфиловшылар атындағы саябақта Халықаралық қарттар күніне орай «Алтын күз – 2026» фестивалі өтті. Бұл туралы Медеу ауданы әкімдігінің өкілдері хабарлады.

Спорттық гимнастикадан үш дүркін Олимпиада чемпионы Ли Нин Алматыдағы №9 олимпиада резервінің мамандандырылған балалар-жасөспірімдер мектебіне барды. Бұл туралы Алматы қаласы Спорт басқармасының өкілдері хабарлады.

Талғат Ахметов 29 қыркүйектен бастап Алматы қаласы Қоғамдық кеңістіктерді дамыту басқармасының басшысы болып тағайындалды. Биыл сәуір айынан бастап ол осы басқарма басшысының орынбасары қызметін атқарды, кейін басқарма басшысының міндетін уақытша атқарушы болып тағайындалды.

Алматы қаласы Жұмылдыру дайындығы, аумақтық және азаматтық қорғаныс басқармасының басшысы қызметіне Айдос Нұрлыбаев тағайындалды. Ол 2026 жылы 29 қыркүйектен бастап қызметтік міндетін атқаруға кірісті.

29 қыркүйектен бастап Алматы қаласы Кәсіпкерлік және инвестициялар басқармасының басшысы қызметіне бұған дейін Алматы қаласы Әуезов ауданы әкімінің орынбасары болған Берік Солтанбаев тағайындалды.

Түрксіб ауданында инженерлік және жол инфрақұрылымын ауқымды жаңарту жұмысы жалғасып жатыр. Биыл ауданда ұзындығы 192,4 шақырым сумен жабдықтау желісі, 89,1 шақырым су бұру желісі мен бес кәріздік сорғы станциясы бойынша құрылыс-монтаж жұмысы аяқталды. Өңірлік коммуникациялар қызметінде өткен баспасөз мәслихатында аудан әкімі Дамир Әкежанов іске асып жатқан осы жобалар туралы айтып берді.