Алматыда инженерлік инфрақұрылымды – су құбыры мен кәріз жүйесін, жылу және электрмен жабдықтауды, газ желілерін әрі көше жарықтандыруды жаңарту бойынша кешенді бағдарлама жүзеге асырылып жатыр. Бұл туралы қала әкімінің орынбасары Алмасхан Сматлаев Өңірлік коммуникациялар қызметінде өткен баспасөз мәслихатында айтты.

Алматыда «Халық қатысатын бюджет» жобасына өтінім қабылдау жалғасып отыр. Жобаны «Алматы даму орталығы» акционерлік қоғамы қолға алған. Өтінімдер 2025 жылы 30 қыркүйекке дейін қабылданады.

Наурызбай ауданында биыл Рахат шағынауданында жаңа саябақ аймағын құру жұмыстары басталды. Жаңа жайлы саябақ аудан тұрғындары үшін көптен күткен демалыс орнына айналмақ. Бұл туралы аудан әкімдігінде хабарлады.

Алматының Индустриялық аймағында шыны ыдыс өндіретін зауыт іске қосылады. Бұл туралы «Алматы» әлеуметтік-кәсіпкерлік корпорациясы хабарлады.

Бүгін БАҚ өкілдеріне Үлкен Алматы өзенінің арнасын қайта жаңғырту жобасы таныстырылды. Журналистерге жобаның орындалу барысы көрсетіліп, сұрақтарына жауап берді.

2025 жылы 20–21 қыркүйекте Алматы қаласының Алатау ауданында ауыл шаруашылығы жәрмеңкесі өтеді. Іс-шараға Тәжікстан Республикасының Хатлон облысынан келген тауар өндірушілері қатысады. Жәрмеңке «Алатау» театрынан (Момышұлы және Универсиада көшелерінің қиылысы) алдындағы автотұрақ алаңында ұйымдастырылады.

Алматы әкімі Дархан Сатыбалды жұмыс сапары аясында «Алатау Жарық Компаниясына» барды. Аталған компания – Алматы мен Алматы облысындағы 4 миллионға жуық тұтынушыны электр энергиясымен қамтитын ең ірі энергия таратушы ұйым.

Алматыда 19 қыркүйекте өтетін Backstreet Boys концертіне дайындық қызу жүріп жатыр. Күздің ең ірі мәдени оқиғаларының бірі болатын бұл шараға шамамен 27 мың көрермен жиналады деп күтілуде. Осыған орай қала әкімінің орынбасары Азамат Қалдыбековтің төрағалығымен Орталық стадионда арнайы жиын өтті.

"Қазгидромет" РМК деректері бойынша қалада бірнеше сағат ішінде 12 мм, ал тау бөктеріндегі жерлерде 15 мм жаңбыр жауды. Бұл бір айлық жаңбырдың 53 пайызы (қыркүйек айындағы норма-28 мм).

Алматы әкімі Дархан Сатыбалды жұмыс сапары барысында Алатау ауданындағы бірқатар нысанды аралап, «Батыс» полиорталығын дамыту жайын талқылады.