Алматыда жазғы демалыс пен сауықтыру бағдарламасымен 294 мың бала қамтылады. Бұл 1–10 сыныптарда оқитын оқушылардың жалпы санының 98,7%-ы. Бұл туралы Өңірлік коммуникациялар қызметінде өткен брифингте Алматы қаласы Білім басқармасының басшысы Сәкен Аралбаев мәлімдеді.

Алматы әкімі Дархан Сатыбалды Еуропалық қайта құру және даму банкінің (ЕҚДБ) президенті Одиль Рено-Бассомен кездесті. Тараптар бірлескен жобаларды жүзеге асыру және қала инфрақұрылымы, көлік, энергетика, цифрландыру салаларындағы ынтымақтастықтың келешегін талқылады.

Алматы қаласы Төтенше жағдайлар департаменті мен Наурызбай ауданы әкімдігі аппаратының мәліметінше, Наурызбай ауданы тұрғындарын эвакуациялау жүргізілген жоқ.

Алматыдаңы Оқушылар сарайында Қазақстан Республикасы Конституциясының күшіне енуіне орай «Балалар болашақты бейнелейді» атты пленэр өтті.

Алматыда қала әкімі Дархан Сатыбалдының қатысуымен Қазақстан Республикасының жаңа Конституциясының күшіне енуіне арналған «Жаңа Конституция – жаңа серпін» атты дөңгелек үстел өтті. Іс-шараға ғылыми және сарапшылық қауымдастық өкілдері, шығармашылық зиялы қауым, мәслихат депутаттары, Қоғамдық кеңес мүшелері, ардагерлер ұйымдарының және мемлекеттік органдардың өкілдері қатысты.

Алматыда Бас жоспарға енгізілетін түзетулердің стратегиялық экологиялық бағалауына қатысты қоғамдық тыңдаулар өтіп жатыр. Тыңдау барысында тұрғындардың бірі құжат әзірлеушілерден қаланы көгалдандыру бағытында атқарылған жұмыстарға жүргізілген талдаудың нақты нәтижесін ұсынуды сұрады. Оның айтуынша, қала тұрғындарын Алматының жасыл қорының қазіргі жай-күйі мен оның ауа сапасына ықпалы туралы объективті бағалау қызықтырады.

Алматы Орталық Азиядағы жетекші туристік, іскерлік және оқиғалық орталық ретіндегі позициясын нығайтуға бағытталған ауқымды жобаларды кезең-кезеңімен жүзеге асырып, заманауи туристік экожүйені қалыптастырып келеді. Жаңа қоғамдық кеңістіктер, заманауи қонақ үй кешендері мен көрме инфрақұрылымы туристер легін едәуір арттырып, халықаралық деңгейдегі іс-шараларды өткізу мүмкіндігін кеңейтеді.

Алматыда Ұлы Отан соғысының ардагері, майдангер-медбике Екатерина Александровна Баранова 101 жасқа толды.

Алматы әкімі Дархан Сатыбалды Қазақстан Республикасының Президенті Қасым-Жомарт Тоқаевтың Жарлығымен тағайындалған «Отан» орденін Қазақстанның халық жазушысы, драматург Софы Сматаевқа табыстады.

Алматыда стратегиялық экологиялық бағалау аясында қаланың Бас жоспарына енгізілетін түзетулер бойынша қоғамдық тыңдаулар өтіп жатыр. Басқосудың негізгі тақырыбы – қаланы экологиялық тұрғыдан орнықты дамытуға бағытталған даму сценарийі.