Сумен сапалы қамтамасыз ету үшін 2025 жылы 260 км сумен жабдықтау желілері салынып, реконструкцияланады. Бұл Алматы қаласының тұрғындарын сумен қамту деңгейін 99,6%-дан 99,9%-ға дейін арттырады. Бұл туралы қала әкімі Ерболат Досаевтың Мемлекет басшысына 2025 жылы 1-30 сәуір аралығындағы кезеңдегі есебінде айтылған. 

Алматыда сыртқы жарықтандыру сапасын арттыру мақсатында 84 жарықсыз учаскеде 16 км жаңа желі құрылысы басталды. 2025 жылы 25 сәуірде 255 учаскеде 93,2 км жарық желілерін салуға байқау жарияланды. Бұл туралы қала әкімі Ерболат Досаевтың 2025 жылғы 1-30 сәуір аралығындағы Президентке берген есебінде айтылды.

2025 жылдың қаңтар-наурыз айында Алматыдағы бөлшек сауда көлемі 1,4 трлн теңге болды. Қаладағы бөлшек тауар айналымының республикалық көлемдегі үлесі – 31,6%. Бұл туралы Алматы қаласының кәсіпкерлік және инвестициялар басқармасы хабарлады.

2025 жылғы қаңтар-ақпанда Бостандық ауданының өнеркәсіп өндірісінің көлемі 26,9 млрд теңгеге жетті, бұл өткен жылдың сәйкес кезеңінің көрсеткіштерінен 16,5% - ға артық. Нақты көлем индексі (НКИ) 109,9% құрады (2024 жылы — 94,9%). Бұл туралы Бостандық ауданының әкімдігінде хабарлады. 

Алматыда «Таза Қазақстан» атты қаланы көркейту бойынша ауқымды бастама жалғасып жатыр. Биылғы жұмыс «қасбеттен қасбетке дейін» қағидаты бойынша жүргізіліп, тек тазалау емес, бүкіл қалалық ортаны жаңартуды қамтиды.

1 мамырдан бастап Алматыда субұрқақтар маусымы ресми түрде басталады. Олар күн сайын сағат 08:00-ден 23:00-ге дейін  жұмыс істейді. Олардың жұмысы 1 қазанға дейін созылады. Бұл ретте, қолданыстағы ережелерге сәйкес +5°C төмен температурада субұрқақтарды пайдалануға тыйым салынады.

Алматыда қала мәслихатының кезектен тыс XXIX сессиясында 2025–2029 жылдарға арналған «Таза Қазақстан» тұжырымдамасын жүзеге асыру бойынша Іс-қимыл жоспары бекітілді. Бұл құжатты Мемлекет басшысының елдегі экологиялық жағдайды жақсарту жөніндегі тапсырмасын орындау аясында қалаың Экология және қоршаған ортаны қорғау басқармасы әзірлеген.

Алматыда балаларға арналған шығармашылық пен спортты дамытуға бағытталған негізгі әлеуметтік жобалардың бірі — «Даму Бала» бағдарламасын іске асыру жалғасуда. 2025 жылы оны іске асыруға қалалық бюджеттен 15,1 млрд теңге бөлінді, бұл елдегі өңірлер арасында қолдаудың ең жоғары деңгейі болып табылады. Бағдарлама үйірмелер мен спорт секцияларына қол жеткізуді қамтамасыз етеді, бұл әр балаға отбасының табыс деңгейіне қарамастан дамуға мүмкіндік береді.

Алматыда ұзындығы 4,6 км Желтоқсан көшесі бойынша BRT желісінің құрылысы басталады.

Алматыда «Таза Қазақстан» республикалық бағдарламасы және «Алматы - біздің ортақ үйіміз» қалалық бастамасы аясында әкім Ерболат Досаевтың тапсырмасы бойынша науқан жүзеге асырылуда. Атап айтқанда, Алмалы ауданында Төле би көшесінен Райымбек даңғылына дейін (шығыс-батыс бағыты) Розыбакиев көшесі бойындағы учаскеде және Прокофьевтен Тұрғұт Озалға дейінгі Төле би көшесінде, «Барыс - 4», «Жұлдыз», «Тастақ» базарлары аумағында стихиялық сауданы жою бойынша белсенді жұмыстар жүргізілуде.