Михаил Шайдоров – жеке сырғанауда өнер көрсететін мәнерлеп сырғанаушы. Бостонда өткен әлем чемпионатында ол күміс медальға ие болды. Алматы әкімінің орынбасары Бейбіт Шаханов спортшыны құттықтап, бұл жетістіктің табандылық пен мақсаткерліктің жарқын үлгісі екенін атап өтті.

Кездесу барысында Бейбіт Шаханов Алматы әкімдігінің атынан Михаил Шайдоровқа 2,5 миллион теңге көлемінде қаржылай сертификат табыстап, оның отандық спортты дамытуға және қаланы халықаралық деңгейде танытуға қосқан зор үлесін ерекше айтты.

«Сіз қазақстандық мәнерлеп сырғанаудың абыройын арттырып қана қоймай, жүздеген жас спортшыны өзіне сенуге және алға ұмтылуға шабыт бердіңіз. Ерекше алғысты жаттықтырушыңыз Әсем Робертқызы Қасановаға айтқым келеді. Ол өз ісіне деген жоғары кәсібилігімен, даналығы және шынайы адалдығымен ерекшеленеді. Қазақстан Республикасының мәнерлеп сырғанау бойынша бас бапкері ретінде ол спорттың дамуына және мұз айдынында жаңа жұлдыздардың қалыптасуына үлкен үлес қосты», – деді Бейбіт Шаханов.

Өз кезегінде Михаил Шайдоров қолдау көрсеткені үшін әкімдікке алғыс білдірді.

«Мен қала әкімдігіне, алматылықтарға қолдау көрсеткені үшін өте ризамын. Бұл мені шабыттандырып, әрі қарай жетістікке жетуге күш береді. Бұл менің ғана емес, бүкіл елдің жеңісі, маған сеніп, осы жолда көмектескен көпшіліктің еңбегінің нәтижесі», – деді Михаил Шайдоров.

Алматының Алатау ауданында заңсыз орналастырылған стационарлық емес сауда нысандарын (СЕСН) сүру жұмыстары қарқын алды. Өз бетінше орнатылған СЕСН-дерді жою науқаны Алматы әкімі Ерболат Досаевтың тапсырмасы аясында қолға алынған.

Алматыда студент жастарға қолайлы жағдай жасау мақсатында жеке инвестициялар есебінен салынған жаңа жатақхана пайдалануға берілді. Жаңа нысан 120 студентке арналған және заманауи талаптарға толықтай сай келеді. Бұл жатақханада Қазақ Үлттық Қыздар педагогигалық университетінің студенттері тұрады.

«Алматы» микроқаржы ұйымы («Алматы МҚҰ» ЖШС, «Алматы» ӘКК» АҚ компаниялар тобына кіреді) «Almaty Business-2025» кәсіпкерлікті дамытудың өңірлік бағдарламасы бойынша жеңілдікті қарыздар беруді жалғастыруда.

Бүгінгі таңда Түрксіб ауданы Алматының маңызды көлік торабы болып табылады және қаланың қарқынды дамып келе жатқан аудандарының бірі, экономиканың тұрақты өсуін көрсетеді. Бұл туралы Алматы әкімі Ерболат Досаев аудан тұрғындарымен кездесуде хабарлады.

Түрксіб ауданының тұрғындарымен кездесу барысында Алматы әкімі Ерболат Досаев электр желілерін салу және жаңғырту бағытында атқарылып жатқан ауқымды жұмыстар туралы баяндады. Бұл шаралар электрмен жабдықтаудың сенімділігін арттыруға және тұрғын алаптарында жиі болатын апаттарды жоюға бағытталған.

Алматы әкімдігі Түрксіб ауданында білім беру инфрақұрылымын дамыту жұмысын белсенді түрде жалғастырып жатыр. Бұл туралы қала әкімі Ерболат Досаев аудан тұрғындарымен кездесуде айтты.

2025 жылдың маусым айында Баум тоғайы мен Үлкен Алматы каналын (ҮАК) абаттандыру бойынша екі ауқымды жобаны іске асыру басталады. Бұл туралы қала әкімі Ерболат Досаев Түрксіб ауданының тұрғындарымен кездесу барысында мәлімдеді.

Түрксіб ауданының тұрғындарымен кездесу барысында Алматы әкімі Ерболат Досаев аудандағы ескі тұрғын үйлерді реновациялау бойынша жүргізіліп жатқан жұмыстар туралы айтып берді.  

«Таза Қазақстан» республикалық бағдарламасы және «Алматы – біздің ортақ үйіміз» қалалық науқаны аясында қалалық ортаны жақсартуға және қалдықтарды тұрақты өңдеуге бағытталған кезекті жоба іске қосылды.