Енді үздіктердің үздіктері Алматы атынан WorldSkills Kazakhstan-2025 Республикалық чемпионатында (Астана қаласында) бақ сынайды. Ал республикалық кезеңде жоғары нәтиже көрсеткендер 2026 жылы Қытай Халық Республикасының Шанхай қаласында өтетін WorldSkills кәсіби шеберлік бойынша халықаралық чемпионатында Қазақстанның намысын қорғайды.

Бұған дейін Алматы қаласының әкімі Ерболат Досаев сайысқа қатысушылармен кездесіп, олардың жұмыстарымен танысты. Ол студент жастарды қолдаудың маңыздылығын атап өтіп, сұранысқа ие жұмысшы мамандықтар бойынша арнайы қосымша гранттар бөлінуі мүмкін екенін айтты.

Айта кетейік, қатысушылардың жұмысын 500-ден астам сарапшы мен жұмыс беруші бағалады. Биыл чемпионат ерекше маңызға ие болды, себебі ол Мемлекет басшысы жариялаған Жұмысшы мамандықтар жылы аясында ұйымдастырылды.

WorldSkills Almaty-2025 аймақтық чемпионаты кәсіби жетілуге ұмтылған талантты жастарды біріктірген жарқын оқиға болды.

Іс-шара студенттердің дайындық деңгейінің жоғары екенін көрсетті және білім беру жүйесінде тәжірибелік дағдылардың маңыздылығын дәлелдеді. Жеңімпаздар мен жүлдегерлер еңбек нарығында орнын нығайтып, болашақ кәсіби мамандарға үлгі болып келеді.

Жеңімпаздар тізімін жүктеп алу